11. РАЗВОЈ НА ЗДРАВСТВЕНО-ХИГИЕНСКИТЕ НАВИКИ И ЗДРАВСТВЕНА ЗАШТИТА НА ДЕЦАТА

 

Развојот на здравствено-хигиенските навики и здравствената заштита и превенција кај децата ќе биде во доменот на обврските на Директорот и вработените во установата.

• Развој на здрвствено-хигиенски навики

   Воспитувањето кое води кон стекнување на здравствено-хигиенски навики, ќе биде реализирано секојдневно и ќе се движат во следниве насоки (цели): 

• Откривање на содржината и суштината на здравствената грижа-хигиена;
• Откривање на начините на искористување на овие навики во полза на сопственото здравје;
• Создавање љубов и почитување кон себе и околината;
• Индивидуално потикнување за миење на рацете;
• Навики за нега и грижа на усната шуплина и забите;
• Стекнување на навики за чување на своите работи;
• Хигиенски навики при користење на тоалет;
• Извршување на дневните рутини правилно без брзање;
• Обезбедување на помош на децата, но потикнување за сами да ги извршуваат работите;
• Откривање и учење на суштината на здравствената грижа и хигиена за себе;
• Начинот на искористување на навиките во полза на сопственото здравје;
• Создавање на љубов и почитување на себе и околината;
• Начинот на реализација на наведените насоки и нивно практикување во секојдневието.

    Стратеги за применување на безбедносни навики  кои се применуваат во градинка се:

• Обезбедување на материјали кои се однесуваат на здравје и безбедност;
• Вклучување на децата во поставување на основни правила поврзани со здравјето и безбедноста;
• Користење на вербални и визуелни сигнали за потсетување на одредени правила;
• Демонстрирање на здрави и безбедни практики и нивно постепено објаснување, што и зошто одредена практика е неопходна и ефективна;
• Постојано дискутирање и примена на безбедни практики, особено пред одредени активности и во контекст на активноста итн.

Едукацијата на децата за здрави навики од раното детство е најдобрата превентивна мерка за безбедна и здрава иднина. Родителите имаат златна можност да им всадат на нивните деца темели на здрави навики за да имаат добро физичко и ментално здравје во текот на целиот живот.

Често децата најдобро учат кога активностите се поттикнуваат од нивното сопствено искуство и со стекнување на нови знаења и вештини преку сопствено истражување на околината. Во други околности, децата поефикасно учат кога процесот на учење е поттикнат од возрасните.

Активности кои ќе се применуваат за стекнување на здрави животни навики и безбедно однесување кај децата се следниве:

• Активности кои се насочени кон поттикнување на самостојноста на децата и грижата за себеси;
• Активности насочени кон поттикнување на самостојноста на децата во грижата на околината;
• Активности кои ја поттикнуваат и јакнат самостојноста и одговорноста на децата во различни социјални ситуации и промовираат социјално прифатливо и одговорно однесување.

Активностите кои ќе се применуваат во рамките на стекнување здрави навики и безбедно однесување, ќе се реализираат и применуваат во текот на престојот на детето во градинката, како и надвор од неа.

Во развојот на здрави-хигиенски навики ќе се реализира и прокт за потикнување на личната хигиена кај детето.

I “ Моја хигиена ,моја навика”

  

Вовед

Грижата за хигиената е една од основните мерки за зачувување на здравјето.                     Преку реализација на воспитно-образовниот процес предвиден во програмата се обезбедува запазување  на потребното ниво на хигиена и навики за водење на  личната хигиена.

Проектот ,,Моја хигиена,моја навика” систем за запазување на хигиената и хигиенските навики.

Со имплементација на овај проект се исполнуваат основните  програмски претпоставки за заштита, односно згрижување и едукација на децата.

Хигиената на децата започнува уште од самото раѓање. Хигиената и грижата за себе претставува дисциплина за чување и унапредување на здравјето кај децата. Хигиенските навики се од значење за здравјето,тие се белег за добро воспитување. Особена важност е на детето да му се понуди средина,возрасен и активности преку кои детето ќе развие здрави животни навики и ќе стекне вежтини за препознавање на опасни ситуации и вештини за безбедно однесување во околината.

 

 

 

 

Цел на проектот

• Развивање на самопстојност и независност кај децата во извршување на секојдневните активности;
• Развивање на свесност за здраво и безбедно однесувањ;
• Развивање на самостојност и превземање на одговорност кај децата во грижата за личната хигиена;
• Зајакнување на функционалната комуникација кај децата;
• Поттикнување на љубопитност,трпеливост и истрајност;
• Подржувања на интерес кај децата за стекнување на нови знаења;
• Усвојување на вештини кај малите деца за практикување на здрави животни стилови.

Целна група

• Во проектот се вклучени деца од 2-6 годишна возраст.

Време на реализација

• Континуирано во текот на целата година.

Очекувани резултати

• Детето самостојно ја оддржува личната хигиена;
• Детето самостојно ја оддржува хигиената на просторот;
• Детето самостојно го организира просторот;
• Детето самостојну учи и извршува одредени работни задачи;
• Детето има одговорен однос кон себеси,кон семејството,другарчињата,воспитувачите,работните задачи и околината;
• Детето знае да соработува, емпатично да се изразува и емоционално да се контролира;
• Детето знае конструктивно да ги решава проблемите.

Планирање на активности

• Активности кои се насочени кон поттикнување на самостојноста на децата во грижа за себе;
• Секојдневни активности за самостојно собување/обување;
• Секојдневни активности за самостојно соблекување/облекување;
• Активности за самостојно откопчуваење/закопчување;
• Активности за самостојно користење на прибор за јадење соодветен на возраста;
• Активности за самостојно ракување со течности;
• Активности за самостојна грижа на личната хигиена;
• Активности за оддржување на хигиената во просторот;
• Активности за самостојно подготвување на просторот за попладневен одмор;
• Активности за оддржување на хигиената во дворот од градинката;
• Активности загрижа на растителниот свет во градинката и дворот;
• Прикажување на видео материјали преку кои децата ќе се едуцираат како треба да се однесуваат;
• Секојдневни едукативни активност со децата за правилно и културно однесување,преку игри,драматизации,приказни,разговори и практична примена на наученото.

Соработка со родителите

• Соработката со родителите е од клучна важност за развивање на здрави животни навики на децата;
• Родителите можат да се вклучат во организирањето и реализирањето на излети во природа и посети на јавни и културни установи;
• Родителите треба активностите насочени кон градење на здрави животни навики да ги пренесат и во домот со цел заеднички едукативно да делуваат од најрана возраст кај децата.

Улогата на воспитувачот/негувателот

• Организирање на работата и просторот на начин што ќе им овозможува на децата самостојно извршување на секојдневните активности;
• Демонстрација на активностите на децата за правилна грижа за себе;
• Организирање на активностите преку кои дацата ќе ги вежбаат активностите за правилна грижа за себе;
• Вклучување на децата при сервирање на оброкот и средување на масата и активности насочени кон оддржување на хигиената на просторот.

Не постои единствен одговор на прашањето за тоа на кој начин децата најубаво учат.              Но едно е сигурно, во процесот на рано учење, воспитно-згрижувачкиот кадар имаат голема улога.

Во текот на денот, воспитувачите и негователките во градинките поминуваат долго време со децата, така што на правилен начин ја потикнуваат желбата за рано учење кај децат од 2 до 6 годишна возраст. Тоа е од посебно значење за децата што имаат ограничани можности за рано учење во своите домови и во рамките на своите семејства.

Воспитувачот има голема улога во подготовка на амбиент кој обезбедува разни можности за рано учење кај децата. Учеството во сите дневни активности со децата, постојано набљудувајќи ги, учат од нив, креират можности за избор на активности за учење, обезбедува подеднаква вклученост во активностите на сите деца и обезбедува безбеден амбиент за играње и учење.

Успешен воспитувач постојано истражува кои се најсоодветните практики во подучувањето на децата, комбинирајќи го своето професионално знаење со искуството што го стекнал во работата со децата.

• Здравствена заштита на децата

Заради превенција од пренесување на инфекции и болести, уште при приемот на детето ќе се бара медицинска белешка за неговата здравствена состојба и ќе се води контрола на вакцините.Здравствената заштита и превенција кај децата од предучилишна возраст има за цел да им овозможи на децата правилен раст и развој преку развивање на културно – хигиенски навики, правилен однос кон исхраната односно важност и потреба за здрава храна, спортско-рекреативни активности, културно-забавни, како и сите останати активности и мерки кои ќе допридонесат во подобрување и зачувување на здравјето, на емоционалниот,физичкиот, менталниот и социјалниот развој кај детето.

Здравствената заштита на децата во градинката опфаќа:

• Континуиран санитарно-хигиенски надзор во објектите;
• Континуирано следење на работата во главната кујна и дистрибутивните кујни;
• Планирање, контрола и прилагодување на исхраната односно менито според возраста во соработка со заводот за унапредување на домаќинството;
• Следење на растот и развојот на децата преку антрополошки мерења;
• Обезбедување на поволни микроклиматски услови во занималните како и безбедност во истите и надвор од нив;
• Контрола и превенција од ширење на заразни заболувања;
• Соработка со Центарот за јавно здравје во Прилеп преку планирање и реализација на санитарни систематски прегледи на сите вработени задолжително 1-2 пати годишно;
• Систематки прегледи на вработените на секој две години;
• Служба за дезинфекција, дезинсекција и дератизација со динамика на реализација на секои 6 месеци, а по потреба и интервентно прскање;
• Стручни и едукативни предавања и работилници за вработените и родителите.

 

Во детската градинка постојано се прави контрола на хигиената на целукупниот внатрешен и надворешен простор во градинките, а сето тоа се евидентира на евидентни листи кој ги контролира Директорот.

Освен на хигиената во градинките се прави и надзор на храната во кујната, начинот на подготовка на оброците, следење на менито за планирани оброци, хигиената во кујната, тој дел се контролира преку евидентни листи, а ги проверува Директорот.

Дневната подготовка и внесувањето на намерниците и нивната енергетска вредност се во склад со Правилникот за нормитивите за целодневна исхрана на корисниците на установата за институционална социјална заштита.