Меѓусебната соработка на семејството и градинката е значајна компонента во процесот на воспитанието и развојот на детската личност. Соработката со родителите е од големо значање за остварување на задачите и целите на воспитно-образовната работа и остварување на интересите на детето. Семејството заедно со градинката ја носи одговорноста за процесот на донесување на одлуки во образованието и воспитанието на детето. Соработката допридонесува за развој на детето, унапредување на работата на воспитувачите и развивање на родителската улога.
! Почитувањето и разбирањето помеѓу родителите и градинката е најважна компонента во процесот на воспитување и развој на детската личност.
Исто така соработката со семејството е важна за обезбедување на правилен и оптимален развој на детето и во оваа воспитна година ќе се има за цел да се поттикнуваат родителите за активно вклучување во реализација на воспитно-образовната дејност.
Соработката со родителите ќе се реализира преку следните форми:
- Електронска комуникација со родителите;
- Интернет група со родителите за разговори и соопштенија;
- Родителски средби на индивидуална и групно ниво;
- Индивидуални, секојдневни разговори;
- Информирање на родителите преку огласна табла, соопштенија и сл;
- Активно вклучување на родителите во реализација на програмата и проектите за воспитната 2024/25 година;
- Насочување на родителите за користење на поддршка на надворешни стручни институции;
- Советување на родителите за одредени проблематики во развојот и воспитувањето на детето;
- Вклучување на родителите во јавни маниестации, работилници и други креативни организаци.
Градинката останува отворена за соработка со родителите кои се добредојдени да ги споделат нивните идеи и иницијативи со кои би придонеле за унапредување на дејноста. Својот придонес родителите можат да го дадат и преку учество во Советот на родители на градинката.
- СОВЕТ НА РОДИТЕЛИ
Советот на родители е орган именуван согласно Законот за заштита на децата и Статутот на детската градинка, а го сочинуваат претставници од родителите чии деца престојуваат во градинката. Советот на родители дава свој придонес во активностите за унапредување на дејноста преку давање на свои предлози, мислења и вклучување во следните активности:
- Ја следи, разгледува и дава мислење за остварување на дејноста на установата;
- Ги разгледува и дава мислење за Годишните програми за работа;
- Учествува во донесување на интерни одлуки, поврзани со градинката;
- Се вклучува во работа на органот на управување, Управниот одбор на градинката со еден претставник;
- Остварува контакти со други институции, со цел за помош на градинката;
- Се ангажира во изнаоѓање средства, донации за подобрување на условите за престој на градинката и
- Придонесуваат со своите предлози и мислења за напредок и успех на градинката.